"Манчестер Сити" ярим ҳимоячиси Бернарду Силва трансфер ойнасида жамоани тарк этиш истагини тушунтирди.
“Менда Англиядагидан бошқача ҳаёт маданияти бор. Менга кўчада ва ресторанларда одамларнинг муносабати ёқмайди. Мен бошқа муносабатларни хоҳлайман. Бироқ, бу менга ёқадиган жамоага тааллуқли эмас. Бу ерда қолганимдан хурсандман. Агар яна бир неча йил "Сити"да қолишим керак бўлса, клуб манфаати учун бор кучимни беришда давом этаман", - деди футболчи BBC билан суҳбатда.
Аввалроқ Силва "Барселона"га ўтишга яқин экани ҳақида хабарлар тарқалган эди. Унинг "шаҳарликлар" билан шартномаси 2025 йилгача мўлжалланган.