Англияда ёзги трансфер ойнаси ёпилди ва якунда рекорд ўрнатилди. Бу ҳақда BBC Sport нашри хабар бермоқда.
Премьер-лиганинг трансферлар учун сарфлаган янги рекорди 2,2 миллиард еврони ташкил этди. Аввалги рекорд 2017 йил ўрнатилган бўлиб, унда клублар трансферлар учун 1,6 миллиард сарфлаганди.
Қайд этилишича, тўққизта клуб ўз таркибини кучайтириш учун 100 миллиондан ортиқ маблағ сарфлаган.
Туманли Альбиондаги ёзги трансфер ойнасидаги энг қиммат трансфер бразилиялик ҳужумчи Антони Амстердамнинг “Аякс” клубидан “Манчестер Юнайтед”га ўтгани бўлди. “Қизил иблислар” ҳужумчи учун 95 миллион евро тўлади.
