Angliyada yozgi transfer oynasi yopildi va yakunda rekord o‘rnatildi. Bu haqda BBC Sport nashri xabar bermoqda.

Premyer-liganing transferlar uchun sarflagan yangi rekordi 2,2 milliard yevroni tashkil etdi. Avvalgi rekord 2017 yil o‘rnatilgan bo‘lib, unda klublar transferlar uchun 1,6 milliard sarflagandi.

Qayd etilishicha, to‘qqizta klub o‘z tarkibini kuchaytirish uchun 100 milliondan ortiq mablag‘ sarflagan.

Tumanli Albiondagi yozgi transfer oynasidagi eng qimmat transfer braziliyalik hujumchi Antoni Amsterdamning “Ayaks” klubidan “Manchester Yunayted”ga o‘tgani bo‘ldi. “Qizil iblislar” hujumchi uchun 95 million yevro to‘ladi.