Ҳужумчи Карим Бензема "Реал" билан шартномасини аниқ узайтиради.

Marca нашри хабарига кўра, франциялик футболчи 2024 йилгача амал қиладиган янги шартнома имзолайди. Бенземанинг амалдаги шартномаси 2023 йилнинг ёзига қадар мўлжалланган.

"Реал" президенти Флорентино Перес Каримни дахлсиз футболчи деб ҳисоблайди. Мадридликлар бош мураббийи Карло Анчелотти ҳужумчи ҳақида худди шундай фикрда.

Шу сабабли, 2024 йилгача янги шартнома имзоланиши табиий ҳол сифатида қабул қилинмоқда.

Жорий мавсумда тўртта ўйинда ҳужумчи тўртта гол урди ва битта голли узатмани амалга оширди.