"Барселона" бош мураббийи Хави ҳужумчи Пьер-Эмерик Обамеянгнинг "Челси"га кетиши ҳақида фикр билдирди.
“Обамеянг майдонда ҳам, майдон ташқарисида ҳам намуна бўлди, у жуда ўзгарди. Агар сиз унинг статистикасига қарасангиз унинг нақадар қадрли эканлигини биласиз. Обамеянг бутун клуб ва футболчилар учун ўрнакдир", - деди Хави "Барселона" матбуот хизматига.
33 ёшли Обамеянг 2022 йилнинг январида эркин агент сифатида "Барселона"га ўтган эди. Жамоа сафида 24 ўйинда 13 гол урди ва шунча голли узатмани амалга оширди. Ёзги трансфер ойнаси охирида ҳужумчи 12 миллион евро эвазига "Челси"га ўтгани маълум бўлди. Обамеянг янги жамоаси билан икки йиллик шартнома имзолади.
