"Барселона" ярим ҳимоячиси Миралем Пьянич БАА клубидан таклиф олди. 32 ёшли босниялик футболчига "Шаржа" клуби даъвогарлик қилмоқда, дея хабар беради журналист Фабрицио Романо.
Унга уч йиллик шартнома таклиф қилишмоқда.
Агар Пьянич бу таклифни қабул қилса, у ҳолда "Барселона" каталонияликлар бош мураббийи Хавининг режаларига киритилмаган футболчини қўйиб юборишга тайёр.
Пьянич ўтган мавсумни "Бешиктош"да ижарада ўтказган ва бунинг учун 26 ўйинда 4 голга ассистентлик қилган. Унинг "Барселона" билан шартномаси 2024 йилнинг июнида якунига етади.