"Марсел"да ижара асосида ўйнаётган Эрик Байи "Манчестер Юнайтед"да таркиб танлаш тамойилларидан норози.
"Клубга инглиз футболчиларини танлашни тўхтатиш вақти келди, шунда ҳамма тенг шароитда бўлади ва имкониятга эга бўлади. Соғлом рақобатни рағбатлантириш керак. Мен ҳар доим "Манчестер Юнайтед" учун маҳаллий ўйинчилар биринчи ўринда туришини ҳис қилганман.
"Челси" ва бошқа йирик Премьер-лига клубларида бундай бўлмайди. Баъзилар асосий таркибда ўзларига ўрин ажратилган деб ўйлашади ва бу жамоани кучсиз қилади. Умид қиламанки, тен Хаг буни ўзгартира олади у кучли характерга эга", деди Байи.
