"Челси"нинг собиқ бош мураббийи Томас Тухель "Эвертон" ҳужумчиси Антони Гордонни ўз жамоасида кўришни истамаганлиги маълум бўлди. Эслатиб ўтамиз, англиялик футболчи август ойида "кўклар" сафига ўтиши мумкинлиги ҳақида хабарлар тарқалганди.
Журналист Фабрицио Романонинг сўзларига кўра, "Челси"нинг Гордонга қизиқиши фақат клуб эгаси Тодд Боэли томонидан бўлган. Америкалик тадбиркорни Антонининг статистик маълумотлари ҳайратда қолдирган, шунинг учун у Тухелдан футболчини жамоага таклиф қилишини талаб қилган.
Эслатиб ўтамиз, "Эвертон" ўз футболчиси учун 70 миллион евро миқдорида пул талаб қилганди. Янги мавсумда Гордон Премьер-лигада иккита гол урди.
