15-25 июнь кунлари Қашқадарё футбол федерацияси томонидан Қарши олимпия захиралар спорт коллежида шаҳар ва туманлардаги касб-ҳунар коллежи ҳамда мактабларнинг ҳакамлик сертификатини олган ёш мураббий ва жисмоний тарбия ўқитувчилари учун амалиёт ўқув-машғулотлар семинари ўтказилди.
Мазкур ўқув-машғулотлар йиғинида шаҳар, туманлардан келган 25 нафар ёш ҳакамлар иштирок этди.
Вилоят футбол федерацияси мутахассислари, олий тоифадаги ҳакамлар, инспекторлар томонидан семинар иштирокчиларига методик қўлланмалар, ўқув машғулотлари ва тест синовлари ташкил этилди. Шунингдек семинар якунида иштирокчиларга ва вилоят ҳакамларига ҳакамлик формалари ва анжомлари тақдим этилди.
Ўқув-йиғинида иштирок этган ёш ҳакамлар вилоят биринчилиги, болалар лигаси, шунингдек вилоятда футболни оммалаштириш мақсадида ташкил этиладиган мусобақаларни ўтказиш учун ёрдамчи ҳакамлар сифатида заҳирага тавсия этилди.
Ушбу ўтказилаётган ўқув-йиғинлари вилоятда спортнинг футбол турини янада оммалаштириш, шунингдек, ташкил этилаётган футбол мусобақаларини ўтказиш учун ёш, иқтидорли ҳакамларни тайёрлаб боришда хизмат қилиши шубҳасиз.
