Ҳужумкор ярим ҳимоячи Рафинья нима учун фаолиятини "Барселона"да давом эттиришни истагани ва "Челси"га рад жавобини берганини айтди.
Ўтган ёзда "Лидс" "Барса"дан ҳам, "Челси"дан ҳам Рафиньяни сотиб олишни сўраганди. Якунда бразилияликнинг ўзи "Камп Ноу"га ўтишга қарор қилди.
“Болалигимдан “Барселона”да ўйнашни орзу қилардим. Мен шундай яшадим ва молиявий масалага аҳамият бермадим. "Челси" молиявий томондан яхшироқ таклиф билан чиқди, лекин гап пулда эмас.
"Барселона" мен болалигимдан ҳавас қилган клуб. Роналдиньо у ерда ўйнаганида мен уларнинг мухлиси эдим. Мен кўп йиллар давомида "Барселона"нинг бир қисми бўлишни орзу қилардим", - дейди Рафинья.