"Порту" дарвозабони Диогу Кошта Португалия Примьерасини Англия Премьер-лигасига ўзгартириши мумкин. Бу ҳақда JN нашри хабар бермоқда.
Манбага кўра, 22 ёшли дарвозабон хизматларига "Ньюкасл" қизиқиш билдирмоқда. “Ньюкасл” раҳбарияти 58 миллион еврога Коштани харид қилмоқчи. Келишув қишки трансфер ойнасида якунланиши мумкин.
Диогу "Порту" академияси тарбияланувчиси саналади. У 2016 йилдан буён “аждарлар” шарафини ҳимоя қилиб келмоқда. Португалия терма жамоасидаги иккита ўйин ўтказган.
Жорий мавсумда Примьера Кошта олтита ўйин ўтказди ва шулардан тўрттасида дарвозани дахлсиз сақлаб қолди.
