"Реал" раҳбарияти жамоанинг беш нафар футболчиси билан бир вақтнинг ўзида ҳамкорликни узайтириш борасида музокаралар олиб боришни режалаштирмоқда. Бу ҳақда журналист Николо Скира маълум қилди.
Инсайдер хабарига кўра, "қироллик клуби" ҳимоячилар Начо ва Эдер Милитао, шунингдек, ҳужумчилар Карим Бензема, Винисиус Жуниор ва Родриго билан шартномаларни узайтиради.
2022/2023 йилги мавсумда Карло Анчлотти шогирдлари Испания чемпионатини кетма-кет бешта ғалаба билан бошлашди. Кеча "Реал" "Мальорка"ни 4:1 ҳисобида мағлуб этди.
"Қаймоқранглилар" навбатдаги ўйинни Чемпионлар лигаси доирасида "РБ Лейптсиг"га қарши ўтказади.
