"Real" rahbariyati jamoaning besh nafar futbolchisi bilan bir vaqtning o‘zida hamkorlikni uzaytirish borasida muzokaralar olib borishni rejalashtirmoqda. Bu haqda jurnalist Nikolo Skira ma’lum qildi.
Insayder xabariga ko‘ra, "qirollik klubi" himoyachilar Nacho va Eder Militao, shuningdek, hujumchilar Karim Benzema, Vinisius Junior va Rodrigo bilan shartnomalarni uzaytiradi.
2022/2023 yilgi mavsumda Karlo Anchlotti shogirdlari Ispaniya chempionatini ketma-ket beshta g‘alaba bilan boshlashdi. Kecha "Real" "Malyorka"ni 4:1 hisobida mag‘lub etdi.
"Qaymoqranglilar" navbatdagi o‘yinni Chempionlar ligasi doirasida "RB Leyptsig"ga qarshi o‘tkazadi.
