"Манчестер Юнайтед" футболчиларининг фикрича, ҳужумчи Криштиану Роналду январь ойида яна жамоани тарк этишга ҳаракат қилади. Бу ҳақда Daily Mail хабар бермоқда.
Олдинроқ португалиялик футболчи ёзги трансферлар ойнаси тугагунига қадар "Манчестер Юнайтед"ни тарк этишга уринган, бироқ агент Жорже Мендеш мижозига янги жамоа топа олмади. "Бавария", "Челси" ва "Атлетико" каби клублар Криштиану хизматларидан бош тортган.
Жамоани тарк этиш истаги туфайли Роналду мавсумолди машғулотларни ўтказиб юборди. Премьер-лигада португалиялик футболчи иккинчи туридан бошлаб "қизил иблислар"нинг асосий таркибида майдонга тушмади.
