"Бавария" ҳимоячиси Нуссер Мазрауи шанба куни “Штутгарт”га қарши кечган ва 2:2 ҳисобидаги дуранг билан якунланган ўйини ҳақида фикр билдирди.
Эслатиб ўтамиз, марокашлик ёзда Мюнхенга Амстердамнинг "Аякс" клубидан эркин агент сифатида келиб қўшилган эди.
“Менимча, бу мен учун яхши ўйин бўлди. Мен одамларга нима қила олишимни кўрсатдим. Энди мен ритмга киришим керак. Биламан, бу вақт талаб этади, лекин ҳозир ўзимни ажойиб ҳис қиляпман", - деди Мазрауи.
"Штутгарт" билан ўйинда Нуссер голли узатмани амалга ошириб, янги клубидаги илк самарали ҳаракатини амалга оширди.