Якшанба куни Киевдаги "Олимпийский" стадионида Испания ва Италия терма жамоалари ўртасида финал ўйини олдидан Евро-2012 мусобақасининг ёпилиш маросими бўлиб ўтади, дея хабар беради УЕФА расмий сайти.
Финал олдидан бўлиб ўтадиган шоу 12 дақиқа давом этади. Хореографик томошада 600 кўнгиллилар иштирок этадилар. Шоу 16та иштирокчи давлатлар колорити ва УЕФАнинг Бирдамлик, Рақобат ва Эҳтирос деб аталувчи қадриятларини акс эттиради.
Немис қўшиқчиси Осеана мусобақа расмий қўшиғи Endless Summerни жонли ижро этади. Италия ва Испания давлатларининг мадҳияларини Киев муниципаль опера ва балет академик театри хонандалари Тамара Ходакова ва Михаил Гуменнийлар ижро этишади.
Финални тўғрида тўғри эфирда 150 миллион томошабин кузатиши кутилмоқда.
