40 ёшли мутахассис Тьяго Мотта "Болонья" бош мураббийига айланди. Бу ҳақда итальян клуби матбуот хизмати расмий сайтида хабар берди.

Олдинроқ сербиялик мутахассис Синиша Михайлович ўз лавозимидан озод этилганди. А Сериянинг янги мавсумининг дастлабки беш турида “Болонья” уч очкони қўлга киритди. Михайлович жамоани 2019 йилдан бери бошқариб келаётган эди.

Мотта 2018 йилда фаолиятини якунлаган. Унинг сўнгги клуби Франциянинг "ПСЖ" клуби бўлган. 2018/2019 йилги мавсумда Мотта Парижнинг 19 ёшгача бўлган жамоасини, 2019 йилнинг октябридан декабригача Италиянинг "Женоа"сини, 2021/2022 йилги мавсумда эса "Специя"ни бошқарган.

Кейинги турда А Серия турнир жадвалида 12-ўринни эгаллаб турган "Болонья" ўз майдонида "Эмполи" билан ўйнайди. Учрашув 17 сентябрь куни бўлиб ўтади.