Ўзбекистон чемпионатининг 13-туридан жой олган “Насаф” — “Олмалиқ” баҳси ҳар икки жамоанинг чемпионатларимиз тарихидаги тўққизинчи учрашув саналади. Бунгача жамоалар саккиз маротаба ўзаро рўбарў келишган.
Шундан бешта баҳсда “аждарлар” зафар қучишган, қолган учтасида эса дуранг натижаси қайд этилган. Ўтказилган барча учрашувларда дарвозаларга ўн беш мартоба тўп киритилган. Тўплар нисбати қуйидагича кўриниш олган- 12:3. “Насаф” жамоаси фойдасига.
“Насаф”дан “Олмалиқ” дарвозасини нишонга олган футболчилар қўйидагича: Илҳом Шомуродов (4 та), Артур Геворкян (2 та), Зафар Холмуродов, Жасур Бобоев, Камолиддин Мурзоев, Мақсуд Каримов, Жаҳонгир Жиямуродов, Кенжа Тўраев бир мартада “Олмалиқ” дарвозасини ишғол этишган. Шквирин шогирдларининг учта голидан иккитасига Александр Востриков муаллифлик қилган бўлса, яна бир марта Муйдин Мамазулунов “аждарлар” дарвозасига тўп киритган.
Эътиборлиси, ҳали “Олмалиқ” жамоаси “аждарлар”ни мағлуб этишнинг уддасидан чиқишмаган.
“Насаф” – “Олмалиқ” жамоаларининг ўзаро ўйинлари жадвали:
2008 йил
10 май. “Насаф” - ОТМК 1:0 ( Зафар Холмуродов, 21)
27 август. ОТМК - “Насаф” 1:1 (Александр Востриков. 38 пен — Жасур Бобоев, 40)
2009 йил
29 июнь. “Олмалиқ” - “Насаф” 0:2 (Шомуродов, 15, Мурзоев 63 пен)
7 август. “Насаф” - “Олмалиқ” 2:1 (Мақсуд Каримов, 19, Жаҳонгир Жиямуродов, 85, - Мўйдин Мамазулунов, 90).
2010 йил
16 май. “Олмалиқ” - “Насаф” 0:0.
26 август. “Насаф” - “Олмалиқ” 4-0 (Илҳом Шомуродов, 9, 13, 38, Кенжа Тўраев, 35).
2011 йил
20 март. “Насаф” - “Олмалиқ” - 2:1 (Артур Геворкян 25, 72, Александр Востриков 60, )
22 октябрь. “Олмалиқ” - “Насаф” 0:0.
“Насаф” — “Олмалиқ” жамоалари баҳси 1 июль куни соат 20.00 да Қаршидаги “Марказий” стадионда бошланади.
Шаҳбоз БЕҒАМОВ тайёрлади.
