"Интер" ҳимоячиси Милан Шкриньяр тез орада итальян клуби билан янги шартнома имзолаши мумкин. Бу ҳақда L'Interusta хабар бермоқда. Томонлар ўртасидаги амалдаги келишув мавсум охирида ўз ниҳоясига етади.
Манбага кўра, ёзги трансфер ойнасида "ПСЖ" 27 ёшли футболчи учун 81 миллион евро таклиф қилган, бироқ рад жавобини олган. Шкриньярга шунингдек "Тоттенхэм" ҳам қизиқаётган эди.
Милан 2017 йилнинг ёзида "Сампдория"дан "Интер"га ўтганди. Италия А сериясининг жорий мавсумида ҳимоячи олти учрашувда майдонга тушган. Умумий ҳисобда Шкриньяр “Интер” сафида 222 учрашувда 11 та гол урган.
