"Милан" ҳужумчиси Златан Ибраҳимович ҳозирда жиддий жароҳат олганига қарамай, футболчилик фаолиятини якунлаш ниятида эмаслигини айтди.
"Мен тезда қайтаман. Мен фаолиятимни якунламоқчи эмасман. Мен қайтаман ва таслим бўлмайман", - деди 40 ёшли ҳужумчи La Gazzetta dello Sport билан суҳбатда.
Эслатиб ўтамиз, Ибраҳимович тиззасидаги операциядан кейин тикланишда давом этмоқда. Швециялик ҳужумчининг сафга қайтиши 2023 йилнинг январида кутилмоқда. Июль ойида у миланликлар билан янги бир йиллик шартнома имзолади ва у билан 2021/2022 йилги мавсумда Италия чемпионига айланди.
