"Рома"нинг янги футболчиси Андреа Белотти Европа лигаси гуруҳ босқичи доирасидаги ХИКга қарши ўйин ҳақидаги таассуротлари билан ўртоқлашди. Римликлар 3:0 ҳисобида йирик ғалабага эришди.
“Гол уриш ўзгача туйғу. Буни мухлисларимиз олдида қилганимиздан хурсандман. Бизнинг чиқишимиз менга ёқди. Баъзилар учун бизнинг ғалабамиз осондек туюлиши мумкин, аммо ундай эмас. Рақиб ўз дарвозасини ёпиб қўйди, эркин зоналарни топиш учун сабр қилишимиз керак эди. Биз аста-секин темп ошира бошладик, шундан сўнг голлар бошланди", - дея Белотти сўзларини келтиради УEФА матбуот хизмати.
