Германиянинг "Майнц" клуби бош мураббийи Бо Свенссон "Брайтон" жамоасини бошқариши мумкин бўлган номзодлар қаторига қўшилди.
Айни дамда “Брайтон” ўтган ҳафта “Челси”га жўнаб кетган Грэм Поттернинг ўрнига ўринбосар қидирмоқда. "Чайкалар" шошилмасликлари мумкин, чунки улар чемпионатнинг навбатдаги учрашувини 1 октябрь куни "Ливерпул"га қарши ўтказади.
"Брайтон" хўжайини Тони Блум ва бош ижрочи директор Поль Барбер томонидан кўриб чиқилаётган яна бир номзод Свенссон бўлиб, у "Майнц"даги фаолияти билан кўпчиликнинг эътиборини тортди, дея хабар бермоқда BBC нашри.
Бо "Майнц"ни 2021 йилнинг январь ойидан бери, немис жамоаси Бундеслигадан тушиб кетиш хавфи остида қолган пайтдан бери бошқариб келмоқда. 43 ёшли даниялик мутахассис ўтган мавсумни саккизинчи ўринда якунлаган бўлса, ҳозирда унинг жамоаси олтинчи ўринда бормоқда.
