“Манчестер Юнайтед” ҳимоячиси Лисандро Мартинес “қизил иблислар” мухлислари Европа лигаси доирасида Молдованинг “Шериф” жамоасига қарши ўйинда унинг номини айтиб ҳайқирганидан хурсанд.
Эслатиб ўтамиз, аргентиналик футболчи ёзда "Олд Траффорд"га Амстердамнинг "Аякс" клубидан бонуслар ҳисобга олинса, 75 миллион еврогача бўлган маблағ эвазига ўтган эди.
"Мухлислар менинг исмимни куйлаётганидан жуда хурсандман. Бундан бироз ҳайронман, лекин шу билан бирга мен бу ерга, дунёнинг энг яхши клубига келганимдан фахрланаман. Бу ажойиб. Мухлисларга қўллаб-қувватлаганлари учун раҳмат", - деди Мартинес "Манчестер Юнайтед" расмий сайтига.
Эслатиб ўтамиз, Мартинес 175 сантиметр бўлишига қарамай "МЮ"нинг асосий марказий ҳимоячиси ҳисобланади.
