"Ювентус"нинг собиқ бош мураббийи Фабио Капеллонинг фикрича, Поль Погбанинг йўқлиги "кекса синьора"нинг мавсум бошидаги натижаларига қаттиқ таъсир қилди.
“Погба Аллегрининг асосий футболчиларидан бири эди. Унинг йўқлиги натижаларга сезиларли таъсир қилди. Худди шу нарса дебют пайтида жароҳат олган ди Марияга ҳам тегишли", - деди Капелло Football Italia билан суҳбатда.
Эслатиб ўтамиз, "Ювентус" Италия А Сериясида мавсум бошида ўтказилган 6 ўйиндан атиги иккитасида ғалаба қозонган. Чемпионлар лигасида эса Массимилиано Аллегри шогирдлари гуруҳ босқичидаги иккала ўйинда ҳам мағлуб бўлишди.
