"Ювентус"нинг собиқ бош мураббийи Фабио Капелло Турин клуби раҳбариятини Массимилиано Аллегрини истеъфога чиқармасликка чақирди.
Эслатиб ўтамиз, янги мавсумда "кекса синьора" италиялик мураббий қўл остида саккизта учрашувнинг иккитасида ғалаба қозонди.
"Бир йил олдин Сарри, Моуриньо, Спалетти ва Аллегри ўз клубларини бошқаришга киришганида, биринчи мавсумда уларга баҳо бермаслик кераклигини айтгандим. Энди биз Саррининг қўл остидаги "Лацио"ни кўрсаяпмиз, "Наполи" А Серия ва Чемпионлар Лигаси гуруҳида пешқадамлик қилмоқда, Моуриньо соврин ютди ва энди чемпионлик учун кураша олади. Фақат Аллегри етишмаяпти", - деди Капелло Football Italia билан суҳбатда.
Эслатиб ўтамиз, ўтган куни "Ювентус" Чемпионлар лигасидаги иккинчи ўйинида мағлуб бўлиб, ўз майдонида Лиссабоннинг "Бенфика" жамоасига имкониятни бой берган эди.
