"Вест Хэм" ярим ҳимоячиси ва сардори Деклан Райс кеча Конференциялар лигаси ўйинида "Силькеборг" дарвозасига гол урган ҳимоячи Крейг Доусонга ҳурмат бажо келтирди.
Эслатиб ўтамиз, Давид Мойес шогирдлари учрашувда 3:2 ҳисобида ғалаба қозониб, ўз гуруҳида пешқадамга айланиб олишди.
“Доусон учун бу голни уриш жуда муҳим эди. Охирги бир-икки ой у учун қийин кечди, аммо биз билан бирга эканлигидан хурсандмиз. Мухлислар ҳам уни жуда яхши кўришади", - деди Райс "болғачилар" расмий сайтига.
32 ёшли Доусон 2020 йилнинг ёзида “Уотфорд”дан “Вест Хэм” сафига кўчиб ўтган эди. Аввалроқ футболчи 9 йил давомида "Вест Бромвич"да ўйнаган.
