"Бавария"нинг собиқ футболчиси Штефан Эффенберг клубга расмий элчи сифатида қайтиши ҳақида фикр билдирди.

“Баварияга элчи сифатида қайтишдан мамнунман. "Бавария" ҳар доим оила деб аталади ва бугунги кунда ҳам шундай. Янги ролда, ҳар доимгидек, мен бор кучимни сарфлайман", - дея Эффенбергнинг сўзларини келтиради Мюнхен клуби расмий сайти.

Эслатиб ўтамиз, 54 ёшли Эффенберг "Бавария"да 1990 йилдан 1992 йилгача, кейин эса 1998 йилдан 2002 йилгача ўйнаган.

Германиялик футболчи мюнхенликлар сафида 234 та ўйин ўтказиб, 48 та гол урган ва 51 та голга ассистентлик қилган. Жамоа билан биргаликда Эффенберг Чемпионлар лигаси, учта Германия чемпиони ва икки марта Германия кубогини қўлга киритди.