Англия Премьер-лигасининг саккизинчи туридан ўрин олган учрашувда "Саутгемптон" сафарда "Астон Вилла"га 0:1 ҳисобида имкониятни бой бериб, мағлубият аламини тотиб кўрди.
Мезбонлар биринчи бўлимда олдинга чиқиб олишди ва ўйин охиригача ўз устунлигини сақлаб қолишди. "Астон Вилла" бош мураббийи Стивен Жеррард ўйин натижалари ҳақида фикр билдирди. У жамоанинг ўйинидан мамнун.
"Катта ғалаба. Албатта, жуда зўр эмас, лекин биз прагматик тарзда ўйнашимиз керак эди. Йигитларнинг саъй-ҳаракатларидан фахрланаман, биз аввалги ўйинга қараганда яхшироқ ўйнадик. Тўпга кўпроқ эгалик қилдик, гарчи бугун очколар учун ўйнаш муҳимроқ эди", деди Жеррард BBC Sport нашрига.
