"ПСЖ" бош мураббийи Кристоф Галтье ҳеч қачон ҳимоячи Маркиньосни сардорлик боғичидан маҳрум қилишни истамаганини тан олди.
"Ҳеч қандай ҳолатда Маркиньосни сардорлик боғичидан маҳрум қилиш ҳақида ўйламаганман. У клубда деярли 10 йилдан бери фаолият олиб бормоқда. Биз жуда муҳим футболчи ҳақида гапиряпмиз. У клуб ва чемпионат ҳақида ҳамма нарсани билади”, - деди Галтье матбуот анжуманида.
Эслатиб ўтамиз, Маркиньосга қадар "ПСЖ" сардори 2020 йилдан буён Лондоннинг "Челси"сида ўйнаётган Тиаго Силва эди. Ҳозирда "ПСЖ"да ўйнаётган Серхио Рамос ва Лионель Месси авваллари мос равишда "Реал" ва "Барселона" сардорлари эди.
