“Андижон” – “Бунёдкор” учрашувидан кейинги матбуот анжуманининг иккинчи қисми мезбонлар устози билан ўтди.

- Маҳорат ўз сўзини айтди. “Бунёдкор” барибир “Бунёдкор” эканлигини намойиш этди. Мен шогирдларимга Германия ва Италия ўртасидаги баҳсдан келиб чиққан ҳолда кўрсатма берган эдим. Биз италияликларни вазифасини бажаришимиз керак эди. Бу ишни дастлабки 30 дақиқада уддаладик. Лекин кейинчалик “Бунёдкор”нинг тажрибаси ўз сўзини айтди. 21та гол ўтказган бўлсак, адашмасам 17тасини стандарт вазиятларидан қўйиб юборяпмиз. Афсуски бу борадаги камчиликларимиз ҳалигача бартараф этилганича йўқ.

Биринчи давра борасида ўзига хос хулосаларимиз бор. Таркибимизда 6-7 нафар ортиқча футболчилар ҳам. Уларга эртагаёқ руҳсат бераман. Масалан Анвар Раҳимов ва ва легионер футболчиларни жамоага фойдаси йўқ, - деди Александр Николаевич.