"Ювентус" бош мураббийи Массимилиано Аллегри бир кун аввал Corriere dello Sport газетасига интервью берди.
Мутахассиснинг гапидан жамоанинг айрим футболчилари ўзларини камситилгандек ҳис қилишди. Шу билан бирга, Аллегрининг интервьюси клуб билан келишиб олинмаган ва энди мураббий жаримани кутиши мумкин, бу ҳақда La Gazzetta dello Sport нашри хабар тарқатмоқда.
Қайд этилишича, "Ювентус"га ҳам Аллегрининг натижаларни жароҳатлар билан оқлайдиган гаплари ёқмаган.
Эслатиб ўтамиз, "Ювентус" 2022/2023 йилги мавсум бошида яхши натижа кўрсатмаяпти. Массимилиано Аллегри босим остида, аммо уни ишдан бўшатишлари даргумон, чунки туринлик раҳбарларнинг ҳозирда мураббийга товон тўлашга қурби етмайди.
