"ПСЖ" ярим ҳимоячиси Марко Верратти жароҳати сабаб "Лион"га қарши ўйинда майдонни тарк этишга мажбур бўлди.
29 ёшли италиялик футболчи 64-дақиқада ўйинни муддатидан аввал якунлаб, ўрнини Норди Мукиэлга бўшатиб берди. Ярим ҳимоячини алмаштиришга тиззасидаги жароҳат сабаб бўлди. Бугун Верратти жароҳатининг ҳолатини аниқлаш учун тиббий кўрикдан ўтади. Футболчи Италия терма жамоасининг Миллатлар лигасида Англия (23 сентябрь) ва Венгрия (26 сентябрь) терма жамоаларига қарши навбатдаги ўйинларини ўтказиб юбориш хавфи бор.
"ПСЖ" Франция чемпионати доирасидаги ўйинда "Лион"ни (1:0) мағлуб этишга муваффақ бўлди. Ягона гол 5-дақиқада Неймарнинг узатмасидан кейин Лионель Месси томонидан киритилди.
