Каталониянинг Sport нашрига кўра, "Барселона" Жерар Пике ушбу мавсум охирида фаолиятини якунлашини эълон қилишидан умид қилмоқда.
Ҳимоячи 35 ёшда, Хави энди уни жамоанинг ажралмас футболчиси деб ҳисобламайди. Бироқ у барибир юқори маош олади, бу эса "Барса" учун муаммо.
Бускетс ҳам ёзда клубни тарк этиши кутилмоқда ва ҳар икки футболчининг кетиши "блауграна"га иқтисодий жиҳатдан эркинлик олиб келади.
Пике ўтмишда, агар у энди жамоага фойда бера олмаса, фаолиятини якунлашини айтган ва "Барса" у ўз сўзида туришига умид қилмоқда.
