"Милан" ҳимоячиси Тео Эрнандес терма жамоада олган жароҳати сабабли уч ҳафтани ўтказиб юборади, дея хабар беради Инсайдер Жанлука Ди Марцио.

Манбага кўра, 24 ёшли франциялик футболчининг 5 октябрь куни “Челси”га қарши Чемпионлар лигаси ўйинида ва 8 октябрь куни “Ювентус”га қарши ўйинда майдонга тушмаслиги хавфи катта.

Аввалроқ футболчи Австрия ва Данияга қарши Миллатлар лигаси ўйинларига тайёргарлик кўраётган Франция терма жамоасини тарк этганди.

Жорий мавсумда Эрнандес “Милан” сафида барча турнирларда 9 та ўйин ўтказиб, 1 та гол ва 2 та голли узатмани амалга оширган.