"Milan" himoyachisi Teo Ernandes terma jamoada olgan jarohati sababli uch haftani o‘tkazib yuboradi, deya xabar beradi Insayder Janluka Di Marsio.

Manbaga ko‘ra, 24 yoshli fransiyalik futbolchining 5 oktyabr kuni “Chelsi”ga qarshi Chempionlar ligasi o‘yinida va 8 oktyabr kuni “Yuventus”ga qarshi o‘yinda maydonga tushmasligi xavfi katta.

Avvalroq futbolchi Avstriya va Daniyaga qarshi Millatlar ligasi o‘yinlariga tayyorgarlik ko‘rayotgan Fransiya terma jamoasini tark etgandi.

Joriy mavsumda Ernandes “Milan” safida barcha turnirlarda 9 ta o‘yin o‘tkazib, 1 ta gol va 2 ta golli uzatmani amalga oshirgan.