"Барселона" ҳужумчиси Мемфис Депай мавсум бошида ўйин вақти камлигини айтди. Испания чемпионатининг жорий мавсумида ҳужумчи икки марта Каталония клубида асосий таркибда майдонга тушди.
"Ла Лигадаги сўнгги икки ҳафта давомида икки бор асосий таркибда майдонга тушдим, бу мен учун етарли эмас. 60-дақиқада захирага олинаман, лекин кўпроқ нарсани хоҳлайман. Ўйиннинг сўнгги 25 дақиқасида бўш жой кўпроқ ва ундан фойдаланиш учун ҳар доим имконият мавжуд. Бу сафар терма жамоа билан ўтадиган ҳафтани интиқлик билан кутяпман. Ишончим комилки, бунинг сабабини тахмин қилишингиз мумкин", - деди Депай.
