"Реал" ярим ҳимоячиси Эдуардо Камавинганинг агенти Жонатан Барнетт футболчининг клубдаги позицияси ҳақида фикр билдирди.
Барнетт Goal España нашрига берган интервьюсида Камавинга Мадрид клубида жуда бахтли эканлигини ва клубга кўчиб ўтгандан кейин ижобий нарсалар содир бўлаётганини айтди. "Реал" - Камавинга учун энг зўр клуб, агар сиз дунёнинг энг яхши ўйинчиларидан бири бўлишни истасангиз, "Реал"га ўтиш энг зўр ечим, дея қўшимча қилди агент.
19 ёшли франциялик футболчи жорий мавсумда барча турнирларда 9та ўйинда майдонга тушди ва гол урмади. Ярим ҳимоячининг клуб билан шартномаси 2027 йилгача мўлжалланган.
