"Барселона" ҳужумчиси Мемфис Депай ёзда клубини ўзгартириши мумкинлигини тан олди, аммо якунда у Хави Эрнандес жамоасида қолиб, асосий таркиб учун курашишга қарор қилди.
"Ёзда бир қанча клублар мени ўз сафига қўшиб олмоқчи эди, аммо вариантларни кўриб чиқиб, қолишга ва "Барселона"даги ўрин учун курашишга қарор қилдим. Мен рақобатни яхши кўраман ва сўзларимдан қайтмайман. "Барселона"даги вақтимни роҳат билан ўтказаман", - деди Депай ESPN билан суҳбатда.
Мемфис "Барселона"га 2021 йилнинг ёзида кўчиб ўтди, ўшанда жамоани Роналд Куман бошқарган эди. Жорий мавсумда Депай Испания чемпионатида иккита ўйин ўтказиб, битта гол урди.
