"УНАМ Пумас"нинг 39 ёшли бразилиялик ҳимоячиси Дани Алвес Бразилия терма жамоасига чақирилмагани ҳақида гапирди.
“Одамлар мендан кўра жаҳон чемпионати ҳақида кўпроқ гапиришади. Мен клубга кўп меҳнат қилиш ва ривожланиш учун келганман, агар бу мени Жаҳон чемпионатига олиб чиқса, ажойиб. Бунга жамоам билан қилган ишларим орқали эришаман, деб биламан. Мен нима қила олишимни ва терма жамоа учун қанчалик муҳим эканлигимни биламан. Мен ҳаётимда шерман ва қайси ўрмонда бўлишимдан қатъий назар, ҳеч қачон баргларни емайман", - дея Алвеснинг сўзларини келтиради Goal.com.
Эслатиб ўтамиз, Бразилия терма жамоаси Гана ва Тунис терма жамоалари билан ўртоқлик учрашувлари ўтказади. Қатардаги жаҳон чемпионати 2022 йилнинг 20 ноябридан 18 декабрига қадар бўлиб ўтади.
