"Рома" ҳужумчиси Пауло Дибала "Ювентус"даги сўнгги мавсумлари ҳақида фикр билдирди. 28 ёшли аргентиналик бу ёзда Турин клубини тарк этган эди.
"Ювентус"даги сўнгги йиллар осон бўлмади, ўзгаришлар мен учун яхши бўлди. Моуриньо менга қўнғироқ қилди ва мен бир неча дақиқада қароримни қабул қилдим. У ва (клуб директори) менга лойиҳа ва ўтган йилгидек ғалаба қозониш истаги ҳақида гапириб беришди. Бундай жамоада бош қаҳрамон бўлиш менга кўп ёрдам беради", - дея Дибаланинг сўзларини келтиради ESPN Argentina.
Дибала "Рома" билан 3 йиллик шартнома имзолади. Жорий мавсумда ҳужумчи римликлар сафида барча турнирлар доирасида 8 та ўйинда майдонга тушиб, 4 та гол урди ва 2 та голли узатмани амалга оширди.
