Дортмунднинг "Боруссия" клуби ярим ҳимоячиси Жуд Беллингем "Реал"га ўтмоқчи, деб ёзмоқда журналист Хосе Альварес Гая ўз твиттерида.
Манбага кўра, "қироллик клуби" ёш иқтидор учун устувор вариант ҳисобланади. Англиялик футболчи аллақачон "Реал" вакиллари билан боғланиб, трансферга дастлабки розилигини берган. Аввалроқ ярим ҳимоячига "Манчестер Сити" ва "Ливерпуль" клублари ҳам қизиқиш билдираётгани ҳақида хабарлар тарқалган эди. Дортмунднинг "Боруссия" клуби унинг учун 150 миллион евро талаб қилмоқда.
19 ёшли Беллингем жорий мавсумда Дортмунднинг “Боруссия” клуби сафида 10 та ўйинда майдонга тушиб, 3 та гол уришга муваффақ бўлди. Унинг клуб билан шартномаси 2025 йилнинг ёзига қадар мўлжалланган.