"Арсенал" ва Англия терма жамоасининг собиқ футболчиси Пол Мерсон "канонирлар"нинг Премьер-лигадаги ўйини ҳақида ўз фикрлари билан ўртоқлашди.
"Жамоанинг натижалари, гарчи мавсум боши бўлса-да, қувонарли. "Канонирлар"нинг бундай ўйинини анчадан бери кўрмагандим. Бу тасодифдан йироқ. "Арсенал"нинг ўзига хос ўйин услуби бор, бош мураббийнинг қўли кўриниб турибди. Ўйлайманки, улар бу мавсумни кучли тўртликда якунлашлари керак”, - деди Мерсон Sky Sports билан суҳбатда.
Етти турдан сўнг "Арсенал" 18 очко тўплади ва АПЛ турнир жадвалида биринчи ўринда бормоқда. Лондонликлар энг яқин таъқибчидан бир очкога олдинда.
