"Барселона" ва Уругвай терма жамоаси ҳимоячиси Рональд Араухо жарроҳлик амалиётига муҳтож бўлиши мумкин, дея хабар беради клуб расмий сайти.
23 ёшли футболчи Эрон билан ўртоқлик учрашувида (0:1) жароҳат олганди. Манбага кўра, уругвайлик футболчи ўнг соннинг қўшимча мушак пайини ёриб олган.
Қатарда бўлиб ўтадиган жаҳон чемпионати муносабати билан Араухо ва унинг вакиллари тезроқ бўладиган анъанавий муолажаларни ўтказиш ёки жароҳатни даволашга кўпроқ ёрдам берадиган жарроҳлик муолажаларини ўтказиш ҳақида қарор қабул қилишлари керак. Аниқ қарор яқин икки кун ичида қабул қилинади.
Жорий мавсумда Араухо "Барселона" сафида барча мусобақаларда 7 та ўйин ўтказди.
