Неймар "ПСЖ" ҳужумчиси Килиан Мбаппе билан муносабатлари ҳақидаги саволга жавоб беришдан бош тортди.
Бу саволни парижлик журналист Оджора Бабатунде ҳужумчига Неймар иккита голли узатма берган Бразилия ва Гана (3:0) ўртоқлик учрашувидан сўнг берди.
- Мбаппе билан муносабатингиз қандай?
- Саволни тушунмадим.
- Ҳозир Мбаппе билан муносабатингиз қандай?
- "Пффф, мен жавоб беришни хоҳламайман" - деди Неймар ва микст-зонани тарк этди.
Олдинроқ Мбаппе ва Неймар ўртасида можаро бўлгани хабар қилинганди. Келишмовчилик сабабларидан бири франциялик футболчининг "ПСЖ"нинг асосий пенальтичиси этиб тайинлангани эди.
