"ПСЖ" Милан Шкриньярнинг "Интер" билан шартномаси бўйича музокаралар тўхтаб қолгани учун футболчини қишда сотиб олмоқчи.
La Gazette Dello Sport хабарига кўра, "нерадзуррилар" 27 ёшли ҳимоячи билан янги шартнома борасида келиша олмаяпти - музокаралар тўхтаб қолган. Словакиялик билан амалдаги келишув 2023 йилнинг ёзида тугайди.
Томонлар яқин орада бу масала бўйича музокараларга қайтмаса керак. Энг яхши ҳолатда "Барселона" билан Чемпионлар лигаси доирасидаги иккита ўйиндан кейин музокаралар давом этади.
Бундай вазиятда ўтган ёзда Шкриньярни сотиб олмоқчи бўлган ва унга 70 миллион евро таклиф қилган "ПСЖ" уни январда қўлга киритишга ҳаракат қилади. Қайд этилишича, “Интер”да ҳеч ким Шкриньяр қишда клубда қолишига кафолат бера олмайди.
Қишки трансфер ойнаси очилганда "ПСЖ" ҳимоячи учун 30 млн евро таклиф қилади.
27 ёшли футболчи жорий мавсум “Интер” сафида барча турнирлар доирасида 9 та ўйинда майдонга тушди.
