Мадриднинг “Реал” клуби ярим ҳимоячиси Орельен Тчуамени, агар жамоа “ПСЖ” футболчиси Килиан Мбаппени эркин агент сифатида ўз сафига қўшиб олганида, ёзги трансфер ойнасида "қироллик клуби"га ўтмас эди. Бу ҳақда журналист Хосе Феликс Диас ижтимоий тармоқларда хабар бермоқда.
Манбага кўра, молиявий нуқтаи назардан, "Реал" Тчуамени учун шартнома имзолай олмас эди. Чунки Мбаппе "Қироллик клуби" билан шартнома имзолаган тақдирда, оладиган маоши ва бонусларни ҳисобга олганда, Тчуаменини ўз сафига қўшиб олиш "Реал" учун молиявий тарафдан қийин бўларди.
Эслатиб ўтамиз, Тчуамени Испания чемпионатининг янги мавсумида иккита голли узатмани амалга оширди. Франциянинг "Монако" клубидан трансфери келажакдаги бонусларни ҳисобга олган ҳолда 100 миллион еврога тушади.