Хорватия терма жамоаси сафида "Интер" ярим ҳимоячиси Марсело Брозович жароҳат олди.

29 ёшли ярим ҳимоячи Миллатлар лигаси доирасидаги Хорватия – Австрия (3:1) учрашувининг 18-дақиқасида алмаштирилди.

Sky Sports Italia хабарига кўра, Брозовичга сон мушаклари йиртилиши ташхиси қўйилган. Бу зарар туфайли ярим ҳимоячи камида 3-4 ҳафтани ўтказиб юборади.

Марсело "Интер"га қайтгач, чуқурлаштирилган кўрикдан ўтади ва бу унга етказилган зарарнинг жиддийлигини аниқроқ билиб олиш имконини беради.

Шу тариқа, ярим ҳимоячи Чемпионлар лигасида "Барселона" билан ҳар иккала ўйинни ҳам ўтказиб юбориши аниқ.

Жорий мавсумда Брозович “Интер” сафида барча турнирларда 9 та ўйинда 2 та гол урди.