Сешанба куни "Милан" ва "Интер" вакиллари стадион борасида матбуот анжумани ўтказишди. "Нерадзуррилар" директори Алессандро Антонелло "Сан-Сиро" стадиони бузиб ташланишини тасдиқлади.
"Энди "Сан-Сиро" бўлмайди. Биз цемент ҳажмини камайтиришимиз керак, аммо бу стадион хотирасини сақлаб қолиш бўйича кўплаб фикрлар мавжуд. Бу бизнинг ДНКимизнинг бир қисмидир. "Милан" ҳам, "Интер" ҳам "Сан-Сиро" билан чамбарчас боғланган.
Режалаштирилган сармоя 1,3 миллиард еврони ташкил этади. Биз ҳам спорт, ҳам ижтимоий мақсадларга эгамиз ва экологик барқарор лойиҳани қидирмоқдамиз. Биз янги стадион сиғими 60-65 минг кишига мўлжалланган бўлишини таъминлаш устида ишлаяпмиз", - деди Антонелло CalcioMercato нашрига.
