"Барселона" "Манчестер Сити" ярим ҳимоячиси Илкай Гюндоганга қизиқиш билдирмоқда, дея хабар бермоқда журналист Фабрицио Романо.
Манбага кўра, Каталония клуби раҳбарияти германиялик футболчини келаси ёзда таклиф қилишга уриниб кўради.
Эслатиб ўтамиз, айнан шу вақтда Гюндоганнинг "шаҳарликлар" билан амалдаги шартномаси якунланади. Илкай 2016 йилнинг ёзидан буён "шаҳарликлар" шарафини ҳимоя қилиб келмоқда.
Шунингдек, "кўк-анорранглилар" "Манчестер Сити"ни яна бир ярим ҳимоячиси - Бернарду Силвага ҳам қизиқишда давом этмоқда.
31 ёшли ярим ҳимоячи жорий мавсумда “Манчестер Сити” сафида 10 та ўйинда майдонга тушиб, 2 та гол урди ва битта голли узатмани амалга оширди.
