"Barselona" "Manchester Siti" yarim himoyachisi Ilkay Gyundoganga qiziqish bildirmoqda, deya xabar bermoqda jurnalist Fabrisio Romano.

Manbaga ko‘ra, Kataloniya klubi rahbariyati germaniyalik futbolchini kelasi yozda taklif qilishga urinib ko‘radi.

Eslatib o‘tamiz, aynan shu vaqtda Gyundoganning "shaharliklar" bilan amaldagi shartnomasi yakunlanadi. Ilkay 2016 yilning yozidan buyon "shaharliklar" sharafini himoya qilib kelmoqda.

Shuningdek, "ko‘k-anorranglilar" "Manchester Siti"ni yana bir yarim himoyachisi - Bernardu Silvaga ham qiziqishda davom etmoqda.

31 yoshli yarim himoyachi joriy mavsumda “Manchester Siti” safida 10 ta o‘yinda maydonga tushib, 2 ta gol urdi va bitta golli uzatmani amalga oshirdi.